ဖတ်လို.တော့ ကောင်းမှာ မဟုတ်ပါဘူး။ လွမ်းရတဲ့ အကောင်လေးတွေ အကြောင်းချရေးကြည့်တာပါ။

လေးတန်းကျောင်းသူဘ၀က စနေနေ့ကျောင်းပိတ်တဲ့ ရက်မှာ နေထိုးတဲ့အထိအိပ်နေတုန်း၊ မေမေက သမီးလေး ခြေရင်းမှာ ကြောင်လေးတစ်ကောင် ရောက်နေတယ်တဲ့။ ခါတိုင်း မေမေဘယ်လောက် နှိုးနှိုးမထတဲ့ ကိုယ်၊ ကြောင်ဆိုတဲ့အသံကြားတော့ ချက်ချင်းထထိုင်ဖြစ်တယ်။ ခြေရင်းမှာ ရွှေရောင်အမွှေးအရောင်လေးနဲ့ အရမ်းလှနေတဲ့ ကြောင်လေးတစ်ကောင်။ ပျော်လိုက်တာ။ အစ်မတွေကို ခေါ်ပြတော့ သူတို.ကသိပြီးသားတဲ့။ ဟုတ်တာပေါ့ ကိုယ်ကနောက်ဆုံးမှအိပ်ရာထတဲ့ သူကိုး။ အဲဒီကြောင်မလေးကို အလွယ်တကူ သမီးကြီးလို.ဘဲ ခေါ်ဖြစ်ကြတယ်။ တခါတလေတော့လည်း ရွှေဝါလို.ခေါ်ဖြစ်တယ်။ သမီးကြီးက များသောအားဖြင့် လူမကပ်လှဘူး။ သူကပ်တာ ထမင်းကျွေးတဲ့ အမေနဲ့ သူ.ကိုအရမ်းချစ်တဲ့ အေးလေး (အစ်မလတ်)ကိုဘဲ အကပ်ခံတယ်။ ကိုယ့်မှာတော့ ချစ်လွန်းလို. ကပ်ချင်လိုက်တာ၊ ရကိုမရဘူး။
သမီးကြီးကိုဘဲ အိမ်မှာ ကလေးလုပ်ပြီး ချစ်နေကြတုန်း၊ အမေကပြောတယ် သမီးကြီးရွှေဝါမှာ ကိုယ်ဝန်ရှိနေပြီတဲ့။ ဘုရားရေ.. ကိုယ်တို.အိမ်မှာလေ တခါမှ ကြောင်ကလေးမမွေးဖူးဘူး။ အရင်ကလည်း ကြောင်တွေခဏခဏ မွေးဖူးပေမယ့် ကြောင်အကြီးကြီးတွေဘဲ မွေးဖူးတာလေ။ တော်ကြာနေ ပျောက်သွားလိုက်၊ အမေက ဗေဒင်အရ အိမ်နဲ့ မတည့်ဘူးဆိုလို. သွားပစ်လိုက်နဲ့ ကြောင်လေးတွေက အိမ်မှာ ပေါ်လိုက်ပျောက်လိုက်ပေါ့။ သမီးကြီး ကိုယ်ဝန်စရတော့ မသွားဘူးတဲ့ ကြောင်ဆေးကုခန်းတွေစရှာရတယ်။ သူ.ကျန်းမာရေး ကောင်းမကောင်း ဆေးစစ်၊ ဆရာဝန်မကိုမေး၊ ဘယ်နှလနေရင်မွေးမလဲပေါ့နော်။ ဆရာမက ၃လနေရင်မွေးမယ်ဆိုတော့ တော်တော်လေးပျော်သွားကြတယ်။ ခဏလေးစောင့်ရမှာဆိုပြီးပေါ့။
၃လလောက်လဲ ရှိရော၊ သမီးကြီးတစ်ကောင် ငြိမ်ငြိမ်မနေနိုင်တော့ပါဘူး။ ညညဆို ဟိုကုတ်ခြစ်၊ ဒီကုတ်ခြစ်။ အမေက မွေးဖို. လုပ်ပေးထားတဲ့ ပုံးလေးထဲမှာလဲ အငြိမ်မနေ။ အိပ်ရာထဲကို ၀င်ဝင်လာ။ မေမေကနှင်ထုတ်ပေါ့။ နောက်ဆုံးတော့ သူအရမ်းချစ်တဲ့ အေးလေးရဲ့ အိပ်ရာခြေရင်းမှာ အောင်မြင်စွာ မီးဖွားခဲ့ပါတယ်။
ရွှေေ၇ာင်လေးတွေချည်းဘဲ ၄ကောင်။ ရွှေတုံးသေးသေးလေးတွေလိုဘဲ။ ၀င်းဝါနေတာ။ ထုံးစံအတိုင်း အိပ်၇ာထနောက်ကျတဲ့ ကိုယ့်မှာ နိုးလဲနိုးရော အစ်မတွေက ကြောင်စာရင်းခွဲပြီးပါပြီ။ ကိုယ်ရတာကတော့ အရောင်နည်းနည်းမှိုင်းတဲ့ အကောင်လေးပေါ့။ အလှဆုံးလေးကတော့ အေးလေးက အရင်ဦးသွားတယ်။ ကလေးလေးတွေက များတော့ သမီးကြီးတစ်ကောင် နို.ကောင်းကောင်းမတိုက်နိုင်ရှာဘူး။ သူကိုယ်တိုင်ကလဲ သားဦးမွေးတာဆိုတော့ နို.တိုက်ဖို. သိပ်မကျွမ်းဘူးလို. အမေကပြောတယ်။ အဲဒီလိုနဲ့ မှင်စုပ်တဲ့ ပြွန်သေးသေးလေးတွေ၇ှာ၊ နို.မှုန်.တွေအရည်ဖျော်ပြီး၊ ကလေးတွေကိုတိုက်ရတာပေါ့။ မျက်လုံးလေးတွေပွင့်ပြီး၊ လက်သည်းလေးတွေလဲစထွက်ရော အောင်မလေးဗျာ၊ အမေနို.မှုန်.ဖျော်တဲ့ ခွက်နဲ့ဇွန်းခလောက်သံလေး ကြားတာနဲ့ အမေ့ထဘီစကို တွယ်တတ်ကြတာ။ အမေ့မှာ အမြန်ထိုင်ထိုင်ချရတယ်။ တကယ်ဆိုးလွန်းတဲ့ အကောင်လေးတွေ။ ကိုယ်တို.ညီအစ်မတွေ ပေါင်တွေ၊ ခြေသလုံးတွေမှာလဲ သူတို. ကုတ်ခြစ်ရာချည်းဘဲ။ မွေးထားတာက အထီးလေး၃ကောင် အစ်မလေးတစ်ကောင်ပေါ့။ ၄ကောင်ထဲမှာ အေးလေးသားက အလှဆုံး၊ အဆိုးဆုံးလေး။ သူ.သားလေးကို နာမည်ပေးလိုက်ကြတယ် ဖိုးရှုပ်။ တစ်ကိုယ်လုံးရွှေရောင်နဲ့ အဖြူတစ်စက်မှမရောတဲ့သားလေးက ဖိုးလပြည့်(မေမေ့သားပေါ့)၊ ပိန်ညောင်ညောင်နဲ့ ကျန်းမာရေးမကောင်းတဲ့ သားလေးက ဖိုးသဲလေး(မကြီးသား)၊ ကိုယ်ကတော့သမီးရှင်ပေါ့နော်။ သမီးလေးနာမည်က မိကဲလေးတဲ့။
ကိုယ်တို.အိမ်မှာ ကလေးတွေနဲ့ အရမ်းပျော်နေကြတုန်း၊ သားလေးဖိုးရှုပ် ၃လသားမှာ အိမ်ပေါ်ကနေပြုတ်ကျတယ်။ မကြီးက ပထမနှစ်စာမေးပွဲဖြေဖို. အိမ်မှာစာကျက်နေတုန်း၊ သားပြုတ်ကျတာတွေ.တော့ ချက်ချင်းပြေးဆင်းပြီး၊ သွားကောက်ရတယ်။ ကိုယ်တို.အိမ်က ကန်ထရိုက်တိုက် ၃ထပ်မှာနေပေမယ့်၊ တိုက်ဟောင်းတွေဆိုတော့ ကိုယ်တို.၃ထပ်က အခုကန်ထရိုက်တိုက်တွေရဲ့ ၅လထပ်လောက် အမြင့်ရှိပါတယ်။ ၃လသားကြောင်လေး တစ်ကောင်အတွက်တော့ အတော်မြင့်လှပါတယ်။ မကြီးလက်ထဲရောက်တော့ ကလေးက တော်တော်နာနေပြီ။ မကြီးလဲ ချက်ချင်း ဆေးခန်းပြေးပေါ့။ ဆေးခန်းကပြန်လာတော့ သားကတော်တော်သက်သာနေပါပြီလေ။ မကြီးလဲ စိတ်ချပြီး စာဆက်ကျက်နေတုန်း သားဖိုး၇ှုပ်လေးက နောက်တစ်ခေါက် ပြတင်းပေါက်ထပ်ထွက်ပုံရတယ်။ နောက်တစ်ခါထပ်ပြုတ်ကျပါတယ်။ ဒီတစ်ခါတော့ လုံးဝမရတော့ပါဘူး။ နားထဲလဲ သံပရာသီးညှစ်ထည့်၊ သူလဲ ပတ်ဝန်းကျင်ကပေးတဲ့ နည်းတွေအကုန်လုပ်၊ နောက်ဆုံးတော့ သားလေးဖိုးရှုပ် ဆုံးသွားတယ်။ မကြီးခမျာလဲ သူတစ်ယောက်တည်း အိမ်မှာကျန်နေတဲ့ အချိန်ဒီလိုတွေဖြစ်တော့ နောက်ဆုံး ကြောင်သေလေးပိုက်ပြီး အမေ့ရုံးကိုလိုက်သွားတယ်။ အမေလဲ တော်တော်စိတ်မကောင်းတွေဖြစ်ပြီး သားအမိ၂ယောက် ဆိပ်ကမ်းကို သွားပစ်ကြပါတယ်။ ကိုယ်တို.ကျောင်းကပြန်လာတေ့ာ သားလေးမရှိတော့ဘူး။ သားအမိတွေ ငိုလိုက်ရတာ ရင်တွေကိုကွဲရော။ အေးလေးဆို အဆိုးဆုံး။ သူ.ခြေရင်းမှာမွေးတဲ့ သူ.အချစ်ဆုံးသားလေးလေ။
ကံကြမာဆိုတာ ဆိုးရင် ဆက်တိုက်ဆိုးတတ်ပုံရတယ်။ ဖိုးရှုပ်လေးဆုံးပြီ၊ တစ်ပတ်ကျော်ဘဲရှိဦးမယ်၊ ဖိုးသဲလေးပျောက်သွားလို.ပါ။ တစ်အိမ်လုံးကလဲ ဒေါင်းတောက်အောင်ရှာပေါ့။ ဘေးအိမ်တွေပေါ်တတ်မေး၊ နောက်ဖေးလမ်းကြားဆင်း၇ှာ။ နောက်၂ရက်ကြာတော့ သားလေးပြန်ရောက်လာတယ်လေ။ တစ်ကိုယ်လုံး ပိန်ချိပြီး စုတ်ပြတ်နေတာဘဲ။ မကြီးက အရမ်းစိတ်မကောင်းတွေဖြစ်ပြီး ထမင်းတွေချကျွေးတာ သားက အငမ်းမရစားပေါ့။ သားကစားလေ ကိုယ်တို.ကကျွေးလေနဲ့ သားလေးဖိုးသဲ စားပိုးနင့်ပြီး အသက်ထွက်သွားရပြန်ရော။ အားပါး...ငိုလိုက်ရတာ ကိုယ်တို. ညီအစ်မတွေ။ သမီးကြီး (သူတို.အမေ)လဲ အဲဒီကတည်းက လုံးဝအိမ်မကပ်တော့ဘူး။ ကျန်တဲ့ ကလေး၂ကောင်က ကပ်လဲ မခံတော့ဘူး။
ကျန်တဲ့ သမီးလေးမိကဲနဲ့ သားလပြည့်လေးတို. ကြီးလာတော့ သူတို.၂ကောင်ပြန်ရပြီး၊ ကြောင်လေး ၂ကောင်ထပ်မွေးတယ်။ အမလေး ၂ကောင်။ ချစ်စရာကောင်းလိုက်တာများ၊ အဖေချော အမေချောလေး တွေကနေ မွေးထားတာလေ။ သမီးလေးတွေ နာမည်က ကူးကူးနဲ့ လူးလူးတဲ့။ သမီးလေး ကူးကူးက နဲနဲချူချာတယ်။ သမီးလူးလူးကတော့ ဆော့မှဆော့။
အဲဒီအချိန်ကလေးလေးတွေနဲ့ ပျော်နေကြတုန်း၊ အစ်မလတ် မအေးလေးက လမ်းပေါ်မှာ အစာမစားရလို. ပိန်ညောင်နေတဲ့ ကြောင်မလေးတစ်ကောင်ကို သနားလို.ဆိုပြီး ခေါ်တင်လာပါရော။ အဲဒီမှာပြသနာကစတာဘဲ။ အိမ်က ကလေးတွေနဲ့ ဖိုက်ကြတာပေါ့။ ကိုယ့်ကလေးတွေက အိမ်ပေါ်က အိမ်အောက်တောင် ဆင်းတာမဟုတ်။ နုနုဖတ်ဖတ်လေးတွေ။ ဟိုကြောင်မကြီးကို ကြောက်ရတာပေါ့။ ဟိုကြောင်မကလဲ ရောက်လာခါစကသာ ပိန်ညောင်ညောင်ရယ်၊ အိမ်လဲရောက်ရော တစ်သွေးတမွေး ၀ဖီးလို. လှလို.။ အိမ်ကကလေးတွေများတော့ မျက်နှာလေးတွေကိုငယ်လို.။ ဒီကြားထဲ ရောက်တာမှ မကြာသေး ဗြုန်းဆို ကလေးတွေကောက်မွေးလိုက်တာများ ၃ကောင်တောင်ဗျ။ ကလေးဆိုတော့လဲ ချစ်ကြတယ်လေ။ မည်းမည်းလေး၁ကောင်၊ ဖြူဆွတ်နေတာလေးက ၁ကောင်၊ အဖြူအမည်း စပ်ကြားလေးကတစ်ကောင်။ ရွှေရောင်တွေဘဲ မွေးဖူးတဲ့ အိမ်မှာ အဖြူအမည်းလေးတွေမွေးတာဆိုတော့ ထူးဆန်းပြီး အချစ်ပိုကြတာပေါ့။ ကြောင်တွေလဲ ဟိုဘက်ဒီဘက်တည့်စ ပြုလာပြီပေါ့လေ။ အဖြူအမည်းကောင်တွေကတော့ ဗိုလ်နဲနဲကျတာပေါ့။ အစ်မလတ်က ထုံးစံအတိုင်း အလှဆုံး ဖြူဖွေးနေတဲ့ သားလေးကိုရွေးပြီး နာမည်ပေးထားတာက ဂျွန်လ မိုးတွေရွာနေတုန်းမွေးထားလို."ဂျွန်မိုး" တဲ့လေ။ သားငယ် မည်းမည်းလေးကတော့ အစ်မကြီးက "ကစ်ကစ်"တဲ့။ သူကအ၀ဆုံးကို။ ထုံးစံအတိုင်း သမီး၇ှင် ကိုယ်ကတော့ သမီးချောလေးကို "၀ိုင်းဝိုင်း" လို.ပေးလိုက်ရော။
အဲလိုကလေးတွေ သိုက်သိုက်ဝန်းဝန်းနဲ့ပျော်နေကြတုန်း၊ မိကဲလေးမှာ တိုက်ဖွိုက်လိုရောဂါဆိုးကြီး ရလာတော့တယ်။ ဘာမှမစားနိုင်ဘဲ တဖြည်းဖြည်း ပိန်လာလိုက်တာဗျာ၊ လမ်းလျောက်ရင်တောင် ဂျပ်ထူပြားကြီးထောင်ထားသလိုဘဲ။ လမ်းလဲ ၂လှမ်းလောက်လှမ်းပြီး၊ ဗိုင်းကနဲလဲကျ။ ဒီလိုနဲ့ ၂လလောက်ခံရတယ်။ ဆုံးသွားရောဆိုပါတော့။ သမီးမိကဲလေး ဆုံးပြီး၊ ၂လလောက်ကြာတော့ ကူးကူးလေးလဲ တစ်ပုံစံတည်းလိုက်ဖြစ်တယ်။ ကူးကူးဆုံးပြီး တစ်ပတ်လောက်ဘဲ ခြားမယ် လူးလူးလေးလဲ ဖြစ်ပြီး ဆုံးပြန်ရော။ အဲဒီအချိန် သားကြီးလပြည့်လဲ အိမ်ကနေပျောက်သွားလိုက်တာ ခုထိကို ၇ှာမတွေ.တော့ပါဘူး။
အဲဒီရောဂါဆိုးက ကြောင်မလေးတွေကိုမှ ကူးလားတောင်မသိပါဘူး၊ သမီးကြီးရွှေဝါနဲ့ ၀ိုင်းဝိုင်းလေးကိုပါ ဆက်ကူးရော။ သူတို.လဲ အဲဒီရောဂါနဲ့ ဆက်ဆုံးကြတယ်။ နောက်ဆုံးတော့ ဖက်တီးမကြီးရယ်(အေးလေးခေါ်လာတဲ့ကြောင်မလေးကို နာမည်ပေးထားတာ) သားဂျွန်မိုးနဲ့ ကစ်ကစ်ရယ်ဘဲကျန်တော့တယ်။ ကလေးတွေအများကြီးနဲ့ ပျော်ခဲ့တဲ့အိမ်က ကြောင်အကြီးကြီးတွေနဲ့ ပျင်းနေချိန်မှာ ဖက်တီးမလေး ကိုယ်ဝန်ထပ်ရှိလာပါရော။ ပျော်လိုက်ကြတာ တစ်အိမ်လုံး။ အဲဒီအချိန်က ဖက်တီးမက အိမ်မှာမင်းသမီးဘဲ။ အစားဆိုလဲ အကောင်းဆုံးကိုကျွေး၊ အိပ်လဲ အနူးညံ့ဆုံးနေရာမှာထား၊ အပြင်လဲပေးမထွက်တော့ဘူး။ အားလုံးကလဲ တယုတယပေါ့။ မွေးမယ့်ညမှာ အိမ်ရှိကြောင်မများရဲ့ ထုံးစ့အတိုင်း အေးလေးအိပ်ရာနားကနေကို မခွာတော့ဘူး။ အေးလေးကလဲ သူ.ကြောင်လေးကို တစ်ညလုံးမအိပ်ဘဲ ထိုင်စောင့်ပေါ့။ မွေးတာကတော့ မနက်ခင်းမိုးလင်းမှမွေးတာပါ။ မည်းမည်းလေး။ တစ်ကောင်တည်း။ အမေက ကြောင်မကိုကြည့်ပြီး ဗိုက်ထဲမှာကျန်ဦးမယ်၊ ဆရာဝန်ဆီသွားမယ်ဆိုပြီး ချီတတ်ကြတာ။ ဆရာဝန်က မကျန်ဘူးလိုငြင်းတယ်။ အမေက သူသိတယ်။ကြောင်မလေးက ဆက်မမွေးနိုင်တာလို. ပြန်ပြောပေါ့။ ဆရာဝန်က ကဲ..စိတ်ကျေနပ်အောင် ဆက်မွေးနိုင်မယ့် ဆေးထိုးပေးမယ်ဆိုပြီး ဆေးထိုးပေး။ မကြာပါဘူး ဆေးထိုးပြီး ၁၀မိနစ်လောက်ဘဲ ရှိဦးမယ်။ နောက်တစ်ကောင်ထပ်မွေးပါလေရော။ ဆရာဝန်လဲ ရှက်ပြီး အစ်မကြီးက တော်လိုက်တာ ဘာညာပေါ့။ အမေကလဲ ငါမပြောဘူးလားဆိုတဲ့ ပုံနဲ့ပေါ့။ ဒါတောင်အမေက အိမ်မှာမွေးတဲ့ကြောင်မဟုတ်လို. မခေါ်ချင်ဘူး ဘာညာလုပ်နေသေးတယ်။
၂ကောင်လုံးက အစ်မလေးတွေ။ အမေက မည်းမည်းလေးကို ပေါင်ချိန်လို. နာမည်ပေးပြီးမှ၊ အမလေး ဖြစ်နေလို. ချားကိုးလ်လို.ပြောင်းခေါ်ကြတာ။ နောက်အကောင်လေးကတော့ လုံးလုံးတဲ့။ ချားကိုးလ်လေးက တစ်ကိုယ်လုံးအနက်မှ ပြောင်ပြီးနက်နေတာဘဲ။ ထက်သလားလဲမမေးနဲ့။ အသက် ၃ပတ်လောက်ဘဲရှိဦးမယ်၊ လှေကားကို တစ်ထစ်ချင်းဘယ်တော့မှ မဆင်းဘူး။ အနာခံပြီး ထိပ်ဆုံးကနေ အောက်ဆုံးကို ခုန်ချတယ်။ အိမ်ရှေ.ထွက်ပြီး၊ ငှက်တွေဖမ်းတယ်။ အဖမ်းကောင်းပြီး အိမ်ေ၇ှ.ကနေ ပြုတ်ကျပေါ့။ နောက်ဆုံးတော့ အသက်ပါပါ သွားတယ်လေ။ သမီးလေး လုံးလုံးနဲ့ သားလေး ကစ်ကစ်ကတော့ အသက် ၄နှစ်လောက်ရောက်မှ ရောဂါတစ်ခုနဲ့ ဆုံးသွားတယ်။ အဲဒီအချိန်မှာ မွေးလို.မပြီးနိုင်သော ဖက်တီးမလေးက နောက်တစ်သား ထပ်မွေးပြန်တယ်လေ။ တစ်ဦးတည်းသောသားလေး တိုးပွားပါဘဲ။ အမေက စနေသားလေးဆိုပြီး နာမည်ပေးထားတာ။ ကလေးက ဘယ်လောက်ဆော့လဲဆို ၂ပတ်လောက်ကတည်းက ဟိုခုန်ချ ဒီခုန်ချနဲ့ ကြီးလာတော့ ရှေ.လက်လေး၂ချောင်းက ခွင်နေလေရဲ့။ အဲလိုခွင်တာလေးကလဲ တမျိုးလေး ချစ်ဖို.ကောင်းပြန်ရော။ ရုပ်ကလေးကလဲ လူဆိုးရုပ်ကလေး၊ ဂျစ်ကန်ကန်လေးနဲ့လေ။ အိမ်လည်တာလဲ အ၇မ်းဘဲ။ ဖက်တီးမလေး၊ သားဂျွန်၊ သားတိုး တို.နဲ့နေလာတာ၂နှစ်လောက်ကြာမှ ထုံးစံအတိုင်း ဒေါ်ဖက်တီးမက ထပ်မွေးပြန်ရော။ ဒီတစ်ခါကတော့ နောက်ဆုံးပါဘဲ။ နောက်ဆုံးပိတ် ၃ကောင်မွေးပါတယ်။ အမလေး၂ကောင်။ မိဆပ် (ဆပ်စလူးလေးမို.လို.)နဲ့ ပိစိတဲ့။ သားလေးကတော့ ပြာလောင်တဲ့။ မွေးကာစက အမလေး၂ကောင်က တစ်ပုံစံတည်း ဆင်တူလေး။ သူတို.ကိုဘဲ အချစ်ပိုနေတုန်း မောင်ပြာလောင်က ပိစိလေးကနေ ၀လာလိုက်တာ၊ လေထည့်ထားတဲ့ ဘောလုံးကြီးကျလို.။ တကယ်ပါ။ ကြောင်မွေးခဲ့တဲ့ သက်တမ်းမှာ သူ.လောက်ဝတာကို မမြင်ဖူးဘူး။ (အခုဆိုဝလွန်းလို. လမ်းတောင်မလျောက်နိုင်ရှာဘူးတဲ့။) ဖက်တီးမလေးကတော့ ဒီကလေး၃ယောက်မွေးပြီး သူလဲသက်တမ်းကုန်သွား၇ှာတယ်။ သမီးလေးမိဆပ်က အလည်လွန်ပြီး ပျောက်သွားတယ်။ သားလေး၃ကောင်၊ သမီးလေး၁ကောင်နဲ့ ပျော်နေတုန်း ဆောင်းတွင်းကြီး အအေးမိပြီး သားတိုးလေး ဆုံးသွားတယ်။ အခုတော့ သားဂျွန်(၁၂နှစ်)၊ ပိစိ(၆နှစ်)၊ ပြာလောင်(၆နှစ်) တို.သာ သူငယ်ချင်းအိမ်မှာ ခဏဆိုပြီးထားခဲ့ရတာ( တစ်နှစ်ပြည့်တော့မယ်)။ လွမ်းလိုက်တာ.....ကလေးတွေကို။