ပထမဆုံးနေ့ (ရန်ကုန်-ဘန်ကောက်)

ရန်ကုန်လေဆိပ်ကနေ (၁၆.၃.၂၀၀၈) မှာ စထွက်ခဲ့တယ်။ အမေနဲ့အတူ။ လေယာဉ်ကွင်းမှာ ဘုရားစာတွေရွတ်နေရတယ်။ နိုင်ငံခြားဆိုတာ တစ်ခါမှ မရောက်ဖူးကြဘူးလေ။ အမေဆိုပိုဆိုးတာပေါ့။ လေယာဉ်တောင်စီးဖူးရှာတာမဟုတ်ဘူး။ ဘန်ကောက်လေဆိပ်မှာ အပေါက်မှားထွက်မိမှာစိုးတာ၊ Immigration ကရစ်မှာ၊ နောက်လေယာဉ်ပြောင်းစီးဖို. ခက်မှာတွေတွေးကြရင်းချွေးတွေစို.နေကြတာပေါ့။

ပြသနာက စမယ့်စတော့ ရန်ကုန်လေဆိပ်မှာ စတယ်။ ထုံးစံအတိုင်း Immigration ပေါ့။ အမေရွှေဆွဲကြိုးဆွဲလာတာကို ရစ်တာ။အမေ့ခမျာ မျက်နှာလေးငယ်ပြီး၊ ကြောက်နေရှာတာ။ တောင်းပန်လို.လဲမရ၊ ချွတ်ထားခဲ့ရအောင်လဲ၊ အိမ်မှာကျန်ခဲ့တဲ့လူကမရှိ။ (ရှိတာမှ တစ်အိမ်လုံးမှာ သားအမိ၂ယောက်ဘဲကျန်တာ) အဲဒီတော့ ကိုယ့်ရှိသမျှစည်းစိမ်လေးတွေ အကုန်သယ်လာရတာပေါ့။ နောက်ဆုံးတော့လဲ အာရကေနဲနဲပေးလိုက်တော့ သူတို.တားနေတာမဟုတ်သလိုဘဲ။ ဒီလိုနဲ့ဘဲ လေယာဉ်ပေါ်ရောက်ခဲ့ကြတယ်။ Thai Airways လေယာဉ်ပျံကြီးက အကြီးကြီးဘဲ။ ခါတိုင်းပြည်တွင်းခရီးသွားရင်စီးဖူးတဲ့ Air Bagan လေယာဉ်နဲ့ကတော့ တခြားစီ။ လေယာဉ်မယ်တွေအရမ်းချောတယ်ဆိုလို. လေ့လာကြည့်တော့ ဒီလိုတွေပါဘဲ။ သိပ်ကြီးမချောလှပါဘူး။ ယဉ်ယဉ်လေးတွေပါဘဲ။ ထူးခြားတာကတော့ အများစုက ဆိုက်တူ၊ အရပ်တူလေးတွေပါဘဲ။ ယိုးဒယားမလေးတွေက မြန်မာမလေးတွေနဲ့ တော်တော်ဆင်ပါတယ်။
လေယာဉ်ပေါ်မှာ အမေကတော့ သဘောတွေကျနေပါတယ်။ အမေ့ကို လေယာဉ်မူးမှာစိုးလို. ရှူဆေးတွေထုတ်ပေးခဲ့တာတောင်၊ Dubai ရောက်တဲ့ထိ မသုံးဖြစ်ပါဘူး။ သမီးကြီး ၂ယောက်နဲ့ တွေ.ရတော့မယ်ဆိုတဲ့ ဇောကြောင့်လဲ ဖြစ်မှာပေါ့လေ။ ကိုယ်ကတော့ ရန်ကုန်မှာ ကျန်ခဲ့တဲ့ ချစ်သူကို လွမ်းရင် ပါလာတာပေါ့လေ။ ဟိုရောက်ရင် အလုပ်လုပ်ရမှာလား၊ ပြန်လာရမှာလားလဲ တွေးရင်းပေါ့။