တခါက ငယ်ငယ်လေးတွေ

ငယ်ငယ်တုန်းကပေါ့။ ငါးတန်းနှစ်လောက်ကဖြစ်မယ်။ သားအမိ၎ယောက် မန်းတလေးမှာ သင်္ကြန်သွားကျကြတယ်။ မကြီးက အရမ်းသွားဖူးချင်တာလေ။ အမေက မန်းတလေးသူဆိုတော့ အမျိုးတွေအိမ်မှာတည်းကြတာပေါ့။ တည်းဖြစ်တဲ့အိမ်က ကျုံးရှေ.က။ သင်္ကြန်ထွက်မလည်လဲ အိမ်ရှေ.မှာ မဏ္ဍပ်တွေကအပြည့်။ ရန်အောင်တို.၊ ဇော်ဝင်းထွဋ်တို.လဲ လာဆိုကြသလိုဘဲ။ အဲဒီအိမ်မှာ မောင်နှမ၄ယောက်ရှိတယ်။ အစ်မ၂ယောက်ကတော့ မကြီးနဲ့ရွယ်တူ အပျိုရွယ်လေးတွေပေါ့။ ကျန်တဲ့မောင်၂ယောက်ကမောင်မြင့်နဲ့ မောင်စောတဲ့။ မောင်မြင့်လေးက ငယ်သေးတယ်။ ၂တန်းလောက်ဘဲရှိဦးမယ်။ မောင်စောက အေးလေး (အစ်မလတ်)နဲ့ ရွယ်တူတွေပေါ့။ အမျိုးတွေ တစ်ခါမှမဆုံဖူးကြဘူးလေ။ ရောက်ခါစမှာတော့ နဲနဲရှိုးတိုးရှန့်တန့်ပေါ့။ အဘွားက မောင်နှမတွေ လွတ်လွတ်လပ်လပ်ဆော့ကြလို.လဲပြောရော၊ ၂ထပ်အိမ်ကြီးကို ပတ်ပြေးလိုက်ကြတာ။ ဆော့နည်းကလဲ မျိုးစုံ၊ မျောက်ရှုံးကြတယ်။ ဆော့လို.လဲပြီးရော မရှက်ကြတော့ဘူး၊ ဟင်းလုစားကြ၊ ရန်ဖြစ်ကြနဲ့ပေါ့။ အဘွားချက်ကျွေးတဲ့ ကြက်သားထောင်းလေးကို သတိရသေးတယ်။ တစ်ရက်မှာဆို မောင်နှမ၄ယောက် ၂ယောက်အိပ်ကုတင်ပေါ်တက်ပြီး နပန်းလုံးကြတာ၊ ၁နာရီလောက်ကြာမယ်။ မောမောနဲ့အိပ်ပျော်ကြပေါ့။ အိပ်ရာကလဲနိုးရော ပုပ်စော်နံတယ်ပေါ့။ ဟိုလူရေမချိုးလို. ဘာညာဆိုပြီးစကြနဲ့။ တော်ကြာနေတော့ ပုပ်စော်ကတော်တော်နံလာတယ်။ လူကြီးတွေကုတင်ကဖျာကိုလှန်ကြည့်မှဘဲ အားလားလား မြွေတစ်ကောင် ဗိုက်ပေါက်၊ ပြားချပ်ပြီးသေနေလေရဲ့။ လူကြီးတွေကဆို မြွေသေမြင်မှဘဲ စိုးရိမ်လိုက်တာပြောမနေနဲ့။ ဟီးဟီး ကံကောင်းလို.။ မြွေကတော့ ကံတော်တော်ဆိုးသွားရှာတယ်။
သင်္ကြန်ကျတော့ ပထမ၃ရက်မှာ အိမ်ရှေ.မှာဘဲ ရေထွက်ပက်ရတယ်။ လူကြီးတွေက တစ်နေကုန်ရေဆော့ရင် ဖျားနာကုန်မှာစိုးလို.၊ မနက်ဆို ၉း၀၀ကနေ ၁၁း၀၀၊ ညနေဆို ၄း၃၀ကျော်မှ အပြင်ထွက်ခွင့်ပေးတယ်။ မနက် ၁၁း၀၀ အိမ်ထဲပြန်ရောက်တာနဲ့ ၄နာရီကို ခွဲချင်လှပြီ။ ရေထွက်ဆော့ချင်လို. အကြံအဖန်လုပ်ကြတာပေါ့။ ညနေ၃း၀၀လောက်မှာ လူကြီးတွေ စကားဝိုင်းဖွဲ.ပြောနေကြတုန်းလေး မောင်နှမတွေ တိုင်ကပ်နာရီကြီးနားကို ယောင်လည်ယောင်လည်နဲ့သွား၊ တစ်ယောက်ပခုံးပေါ်တစ်ယောက်တက်၊ နာ၇ီလက်တံကို ရွှေ.ပြီး၊ အဘွားကို ၄း၃၀ပြီရေပုံး၊ ရေခွက်တွေထုတ်ပေးတော့ဆိုပြီး တောင်းဆိုတာပေါ့။ ဒါတောင်သူတို.က ၄း၃၀ပေမယ့် နေပူသေးတယ်ဆိုပြီးတားလို. တစ်ရက်က မထွက်ခဲ့ရဘူး။ ပူမှာပေါ့ ၃း၀၀ဘဲ၇ှိသေးတာကိုး။ ဟီးဟီး
နောက်ဆုံးနေ့ကျတော့ အပျိုမမများရဲ့ပွဲပေါ့။ ကားနဲ့လည်ကြတယ်လေ။ လူကြီးတွေကတော့ ကားနဲ့လည်တာကိုပျော်ပေမယ့် ကလေးများအဖွဲ.ကတော့ လမ်းမပေါ်ထွက်ပြီး ရေမပက်ရတာကိုဘဲ တအုံ.နွေးနွေးပေါ့။
တစ်ခါတည်းဘဲ ရောက်ဖူးခဲ့တဲ့ မန်းတလေးသင်္ကြန်က အမှတ်တရလေးပေါ့။